10 ربیع الاول 1447ھ مطابق 02 ستمبر 2025ء کو ملائیشیا کے دارالحکومت ”کوالالمپور“ میں”اجازاتِ قرآنیہ کی توثیق“ کے پہلے عالمی فورم کی سرگرمیاں منعقد ہوئیں؛ جس کا اہتمام رابطہ عالم اسلامی نے کیا تھا

کتاب اللہ کی خدمت کے فریضے کی ادائیگی میں:

10 ربیع الاول 1447ھ مطابق 02 ستمبر 2025ء کو ملائیشیا کے دارالحکومت ”کوالالمپور“ میں”اجازاتِ قرآنیہ کی توثیق“ کے پہلے عالمی فورم کی سرگرمیاں منعقد ہوئیں؛ جس کا اہتمام رابطہ عالم اسلامی نے کیا تھا۔ اس فورم میں ”آسیان“ممالک کے ممتاز علماء، علومِ قرآن اور فنِ قراءت کے ماہرین سمیت جنوب مشرقی ایشیا کے ہزاروں حفاظ و حافظات نے شرکت کی۔
فورم کے دوران ایک دقیق منہج اور مستحکم طریقہ کار کے تحت ”قرآنی اجازت ناموں کی عالمی توثیقی سند“ کا افتتاح کیا گیا۔ اس کے پہلے مرحلے میں یہ سند مراجعت اور تدقیق کے اعلیٰ معیارات پر پورا اترنے والے دس مستند حفاظِ کرام کو تفویض کی گئی۔ نیز ”آسیان“ ممالک میں فنِ قراءت کے نامور اساتذہ اور ماہرین کو بھی ان کی گراں قدر خدمات کے اعتراف میں اعزاز سے نوازا گیا، جنہوں نے اعتدال و میانہ روی کے منہج پر کاربند قرآنی علوم کی راسخ نسلوں کی تیاری میں کلیدی کردار ادا کیا۔