ڈاکٹر العیسی نے ملائیشیا سے قرآن وسنت میں اعجازِ علمی کی عالمی کونسل کا افتتاح کیا اور” علم اور ایمان“ پروگرام ومقابلے کی اختتامی تقریب کی سرپرستی فرمائی
ڈاکٹر العیسی نے ملائیشیا سے قرآن وسنت میں اعجازِ علمی کی عالمی کونسل کا افتتاح کیا اور” علم اور ایمان“ پروگرام ومقابلے کی اختتامی تقریب کی سرپرستی فرمائی
• رابطہ عالم اسلامی اور متعدد ملائیشیائی سرکاری و نجی اداروں کے مابین سات معاہدوں پر دستخط
کوالالمپور:
بین الاقوامی علماء، وزارتی شخصیات اور جامعات کے سربراہان کی موجودگی میں، سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے ملائیشیا کے دارالحکومت”کوالالمپور“ میں قرآن وسنت میں اعجازِ علمی کی عالمی کونسل کا افتتاح کیا، اور رابطہ کے زیر اہتمام” علم اور ایمان“ پروگرام اور مقابلے کی اختتامی تقریب کی سرپرستی فرمائی۔
مملکت ملائیشیا نے ان دونوں بین الاقوامی تقریبات کی میزبانی کی، جو متعلقہ اسلامی سرگرمیوں کی معاونت میں دونوں فریقین کے مابین شراکت داری کا مظہر ہے۔ اس تعاون کو آج رابطہ اور ملائیشیا کے متعدد سرکاری و نجی اداروں، بشمول جامعات، معاہد اور تحقیقی مراکز کے مابین سات معاہدوں پر دستخط کے ذریعے مزید مستحکم کیا گیا ہے۔
تقریب کے دوران” علم اور ایمان“پروگرام اور مقابلے کے حوالے سے ایک دستاویزی فلم پیش کی گئی، نیز رابطہ کے عالمی اعزازات کا اعلان بھی کیا گیا۔
سیکرٹری جنرل رابطہ، عزت مآب شیخ ڈاکٹر محمد العیسی نےملائیشیا کے دارالحکومت ”کوالالمپور“ میں ملائیشیا کی مختلف ریاستوں سے تعلق رکھنے والے جلیل القدر علماء سے ملاقات کی، جن کی قیادت ملائیشیا کے مفتی اعظم، فضیلۃ…