آج دوپہر ملائیشیا کے دارالحکومت میں، بین الاقوامی علماء، وزارتی شخصیات اور جامعات کے سربراہان کی موجودگی میں

آج دوپہر ملائیشیا کے دارالحکومت میں، بین الاقوامی علماء، وزارتی شخصیات اور جامعات کے سربراہان کی موجودگی میں:

سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے ملائیشیا کے دارالحکومت”کوالالمپور“ میں قرآن وسنت میں اعجازِ علمی کی عالمی کونسل کا افتتاح کیا، اور رابطہ عالم اسلامی کے زیرِاہتمام "علم اور ایمان" پروگرام اور مقابلے کی اختتامی تقریب کی سرپرستی فرمائی۔

مملکتِ ملائیشیا نے ان دونوں بین الاقوامی سرگرمیوں کی میزبانی کی، جو متعلقہ اسلامی خدمات کے فروغ میں باہمی شراکت داری کا مظہر ہے۔ اسی تعاون کو آج مزید مستحکم کرتے ہوئے رابطہ عالم اسلامی اور متعدد ملائیشیائی سرکاری وسماجی اداروں کے درمیان سات معاہدوں پر دستخط کیے گئے، جن میں جامعات، علمی ادارے اور تحقیقی مراکز بھی شامل ہیں۔