عزت مآب شیخ ڈاکٹر محمد العیسی نے پاکستانی انٹر سروسز انٹیلی جنس ایجنسی کے ڈائریکٹر جنرل، لیفٹیننٹ جنرل جناب ندیم انجم سے ملاقات کی

سیکرٹری جنرل رابطہ اور چیئرمین مسلم علماء کونسل عزت مآب شیخ ڈاکٹر محمد العیسی نے پاکستانی انٹر سروسز انٹیلی جنس ایجنسی کے ڈائریکٹر جنرل، لیفٹیننٹ جنرل جناب ندیم انجم سے ملاقات کی۔
ملاقات میں اسلامی تعاون کے فریم ورک کے اندر مذہبی اور فکری اعتدال کے فروغ  سمیت انتہاپسندی اور تشدد کے نظریات کا ان کے جڑوں سے خاتمے کے طریقۂ کار سے متعلق  تبادلۂ خیال ہوا جس میں اس کی حقیقی شکست مضمر ہے۔
محترم  لیفٹیننٹ جنرل صاحب نے اس اہم معاملے میں #رابطہ_عالم_اسلامی کے کردار کو سراہتے ہوئے اس سے وابستہ عظیم امیدوں کا اظہارکیا کیونکہ یہ امت کے علمائے کرام کا مرکز اور خادم حرمین شریفین شاہ سلمان بن عبد العزیز آل سعود ”حفظہ اللہ“ کی سرپرستی میں اہم ترین معاصر اسلامی دستاویز #میثاق_مکہ_مکرمہ کا اجراء کنندہ ہے، اس بات کو مدنظر رکھتے ہوئے کہ رابطہ مملکت سعودی عرب کی بھلائیوں میں سے ایک ہے جس کی بنیاد رکھ کر اسے عالم اسلام کو ہدیہ کیاہے۔
ملاقات میں خادم حرمین شریفین اور ان کے ولی عہد ”حفظہما اللہ“کی قیادت میں اسلام، مسلمانوں اور تمام انسانیت کی خدمت کےلئے مملکت کے عظیم کردار کو سراہتے ہوئے اسلامی جمہوریہ پاکستان کے منفرد اسلامی کردار کی بھی تعریف کی گئی۔