برج بلڈر
ڈاکٹر محمد بن عبد الكريم العيسى
ڈاکٹر محمد العیسی کو جنیوا میں ”برج بلڈر“ ایوارڈ سے نوازا گیا
ملائیشیا کے وزیراعظم کی سیکرٹری جنرل رابطہ عالم اسلامی سے ملاقات
مزید پڑھیے
سیکرٹری جنرل رابطہ، عزت مآب شیخ ڈاکٹر محمد العیسی نےملائیشیا کے دارالحکومت ”کوالالمپور“ میں ملائیشیا کی مختلف ریاستوں سے تعلق رکھنے والے جلیل القدر علماء سے ملاقات کی، جن کی…
مزید پڑھیے
آج دوپہر دارالحکومت ”کوالالمپور“ کے صدارتی محل میں ملائیشیا کے وزیرِ اعظم، داتو سری انور ابراہیم نے سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد…
مزید پڑھیے
ڈاکٹر العیسی نے ملائیشیا سے قرآن وسنت میں اعجازِ علمی کی عالمی کونسل کا افتتاح کیا اور” علم اور ایمان“ پروگرام ومقابلے کی اختتامی تقریب کی سرپرستی فرمائی
مزید پڑھیےاقتباسات
عالمی امن کا تقاضا ہے کہ پہلے انسان اپنی ذات، افراد اور معاشروں کے ساتھ اندرونی امن قائم کرے۔ جب یہ اندرونی امن سکون اور اطمینان کے ساتھ حاصل ہو جائے گا، تو اس کا دوسرا مرحلہ خود بخود خوش دلی سے طے پا جائے گا۔
سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے ڈیوک یونیورسٹی میں اپنے خطاب کے دوران فرمایا: "وہ نوجوان اور طلبہ جو ہمیں سن رہے ہیں: آپ اس عہد میں تبدیلی کے محرک ہیں۔ اپنی طاقت کو کبھی کم نہ سمجھیں۔ ناانصافی کو چیلنج کرنے، مسائل کا حل نکالنے اور مکالمے کے دروازے کھولنے کے لیے اپنی تعلیم اور اپنی ایمانی اقدار کا استعمال کریں، خاص طور پر اس وقت جب دوسرے تفرقہ پیدا کرنے کی کوشش کر رہے ہوں۔
شخصیات کے تاثرات
تمام شخصیات کے تاثرات دیکھیں” یہ پہلا موقع ہے کہ ناروے کا دارالحکومت اسلام، یہودیت اور مسیحیت کے اعلیٰ سطح کے نمائندوں کے ایسے اجتماع کا گواہ بنا ہے جس کا مقصد باہمی احترام و رواداری کو نمایاں کرنا اور بین المذاہب تعاون کے لیے ایک واضح عزم کا اظہار کرنا ہے۔ ایوارڈ کمیٹی نے ڈاکٹر العیسی کو اعتدال پسندی کے حوالے سے ایک نمایاں عالمی قوت قرار دیتے ہوئے کہا کہ وہ اقوام اور مذاہب کے درمیان امن اور تعاون کے لیے ایک توانا اور ممتاز آواز ہیں۔ یہ اعزاز رواداری، احترام اور محبت کے فروغ کے لیے ان کی عظیم کوششوں کا اعتراف اور حوصلہ افزائی ہے“۔
” ڈاکٹر محمد بن عبدالکریم العیسیٰ دنیا کے ممتاز ترین مسلم علماء میں سے ایک ہیں، جو آشوٹز کا دورہ کرنے والے سب سے اعلیٰ سطح کے اسلامی رہنما بن گئے۔ وہاں انہوں نے مسلم قائدین کے ایک وفد کی قیادت کی، جو ان رویوں میں ایک ایسی بے مثال تبدیلی کی علامت ہے جو کئی دہائیوں سے قائم تھے اور براعظموں تک پھیلے ہوئے تھے۔ جنوبی افریقہ میں مقامی سطح پر، ڈاکٹر العیسیٰ نے "معہد الرحمۃ والسلام " کے قیام میں تعاون کیا، جو (انسانی حقوق کی) پامالیوں کے متاثرین، بالخصوص ان خواتین اور بچوں کو ایک محفوظ پناہ گاہ فراہم کرتا ہے جن کی زندگیاں گھریلو تشدد اور انسانی اسمگلنگ کی وجہ سے خطرے میں ہوتی ہیں۔ یہیں سے دنیا کے حقیقی مسائل کے حل میں ایمان اور مذہبی اقدار کی اہمیت واضح ہوتی ہے“۔
عالمی امن کا پیغام
ڈاکٹر محمد العیسی کا مشن رواداری اور بقائے باہمی پر مبنی اسلام کی حقیقی اعتدال پسندانہ اقدار کی اشاعت ،
ڈاکٹر محمد العیسی کا مشن رواداری اور بقائے باہمی پر مبنی اسلام کی حقیقی اعتدال پسندانہ اقدار کی اشاعت ،
اور عالمی سطح پر بین المذاہب مکالمے کی ترویج ہے۔
ڈاکٹر محمد بن عبد الکریم العیسی اعتدال پسندی، مکالمے اور مختلف ثقافتوں و مذاہب کے درمیان تعاون کے حوالے سے دنیا کی ایک نمایاں آواز ہیں۔ رابطہ عالم اسلامی کے سیکرٹری جنرل اور چیئرمین مسلم علماء کونسل کے طور پر، آپ اسلام کے اس وژن کو آگے بڑھانے کے لیے کوشاں ہیں جس کی بنیاد بقائے باہمی، انسانی وقار اور باہمی احترام پر استوار ہے۔
رابطہ عالم اسلامی ایک بین الاقوامی تنظیم ہے جو معاشروں کے درمیان افہام و تفہیم کو مضبوط بنانے، امن کے فروغ اور دنیا بھر میں انسانی چیلنجوں کے حل کے لیے وقف ہے۔ ڈاکٹر العیسی کی قیادت میں رابطہ بین المذاہب مکالمے اور مذہبی، سیاسی و ثقافتی اختلافات سے بالاتر ہو کر مشترکہ جدوجہد کے لیے ایک اہم ترین عالمی پلیٹ فارم بن چکا ہے۔
* * *دینی سفارت کاری
عزت مآب ڈاکٹر العیسی نے دینی سفارت کاری کو رابطہ عالم اسلامی کے عالمی مشن کے مرکز و محور کے طور پر متعارف کرایا ہے۔ مذہبی قائدین، حکومتوں اور بین الاقوامی اداروں کے ساتھ اشتراکِ عمل کے ذریعے، آپ مذاہب اور ثقافتوں کے درمیان مکالمے کی مضبوطی اور مشترکہ عالمی چیلنجوں پر تعاون کے فروغ کے لیے کام کر رہے ہیں۔ یہ نقطہ نظر اس حقیقت کا اعتراف ہے کہ تعمیری مذہبی وابستگی امن، استحکام اور باہمی احترام کے فروغ میں کلیدی کردار ادا کر سکتی ہے۔
فکری اعتدال پسندی
تحقیقی سرگرمیوں، عالمی کانفرنسوں اور علمی و دینی اداروں کے ساتھ اشتراک کے ذریعے رابطہ عالم اسلامی اسلام کی ایسی تعبیرات کی حمایت کرتی ہے جو توازن، بقائے باہمی اور تنوع کے احترام پر زور دیتی ہیں۔ اس کوشش کا مقصد انتہا پسندی اور فکری تقسیم کا مقابلہ کرنا ہے، جس کے لیے ان معتبر مذہبی آوازوں کو توانا کیا جاتا ہے جو دنیا بھر کی مسلم کمیونٹیز میں اعتدال پسندی، تنقیدی شعور اور ذمہ دارانہ قیادت کی وکالت کرتی ہیں۔
انسانی ہمدردی کے کام
عزت مآب ڈاکٹر العیسی کی قیادت میں رابطہ عالم اسلامی متعدد خطوں میں امدادی اور ترقیاتی پروگرام سرانجام دے رہی ہے، جس میں تنازعات، غربت اور قدرتی آفات سے متاثرہ محروم طبقات کی مدد کی جاتی ہے۔ ہنگامی امداد اور طبی معاونت سے لے کر تعلیم اور سماجی ترقی تک، رابطہ کے فلاحی کام یکجہتی، ہمدردی اور ضرورت مندوں کی عملی مدد کے عزم کا آئینہ دار ہیں۔