سیکرٹری جنرل رابطہ عالم اسلامی اور چیئرمین مسلم علماء کونسل، عزت مآب شیخ ڈاکٹر محمد العیسی نے بیلجیم کے دارالحکومت برسلز میں بیلجیم کی مسلم برادری کی قیادت اور اس سے وابستہ متعدد سماجی شخصیات سے ملاقات کی۔

سیکرٹری جنرل رابطہ عالم اسلامی اور چیئرمین مسلم علماء کونسل، عزت مآب شیخ ڈاکٹر محمد العیسی 
نے بیلجیم کے دارالحکومت برسلز میں بیلجیم کی مسلم برادری کی قیادت اور اس سے وابستہ متعدد سماجی شخصیات سے ملاقات کی۔

عزت مآب نے ملاقات کا آغاز ایک خطاب سے کیا، جس میں مسلم معاشروں کی عمومی دلچسپی کے امور کا ذکر کرتے ہوئے بیلجیم کی مسلم برادری کی بقائے باہمی اور معاشرتی ہم آہنگی کی اقدار، بالخصوص باہمی احترام کے فروغ میں نمایاں خدمات کو سراہا۔

عزت مآب نے رابطہ عالم اسلامی کی متعدد کانفرنسوں کی ان سفارشات کا بھی حوالہ دیا، جن میں رابطہ کے جید علما نے شرکت کی، اور اس امر کی اہمیت پر زور دیا کہ ہر ملک کے مقامی حالات سے متعلق فتاویٰ اور دینی رہنمائی وہاں کے مستند علما سے حاصل کی جائے، کیونکہ وہ اپنے معاشرتی حالات سے سب سے زیادہ واقف ہوتے ہیں، جنہیں اسلامی شریعت کے اصولوں میں بھی ملحوظ رکھا گیا ہے۔ شریعت کے نصوص کے مطابق فتاویٰ اور احکام زمان، مکان اور حالات کے اختلاف سے مختلف ہو سکتے ہیں۔

انہوں نے مزید کہا کہ رابطہ عالم اسلامی کو بیلجیم کے مسلم علما کی اپنی کانفرنسوں اور علمی اجتماعات میں شرکت پر خوشی ہوتی ہے، خواہ یہ اجتماعات خصوصی طور پر اسلامی امور سے متعلق ہوں یا ایسے عمومی اجتماعات ہوں جن میں مختلف مذاہب کے پیروکار شریک ہوتے ہیں۔ ان اجتماعات میں رابطہ عالم اسلامی کے مشن اور اہداف کے مطابق تمام مذاہب کے پیروکاروں سے متعلق مشترکہ امور پر مکالمہ کیا جاتا ہے۔

بعد ازاں ڈاکٹر العیسی اور شرکاء کے درمیان مکالمے کا آغاز ہوا، جس میں دنیا بھر کی مسلم برادریوں سے متعلق متعدد اہم موضوعات پر گفتگو کی گئی۔