سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی ” بدلتے ہوئے عالم میں ایمان“ کانفرنس کے افتتاحی اجلاس سے خطاب کرتے ہوئے:
” یہ کانفرنس اللہ تعالیٰ پر ایمان کے دلائل پر غور و فکر کے لیے منعقد کی گئی ہے، تاکہ اہلِ علم و ایمان، الحاد کو شکست دینے کا تسلسل جاری رکھ سکیں ۔“
” مذہبی نصوص کے حوالے سے کچھ شبہات پائے جاتے ہیں، اور کوئی بھی شبہ ایسا نہیں جس کا ابتدائی مرحلے ہی میں پردہ نہ چاک کیا جا سکے۔ اس لیے ہم کانفرنس کے شرکاء کو تجویز دیتے ہیں کہ وہ ایمان کے دلائل اور شبہات کا مؤثر جواب دینے کے لیے ایک بین الاقوامی مرصد (نگرانی مرکز) قائم کریں، تاکہ یہ ایک اجتماعی اور ادارہ جاتی عمل بن سکے، اور انفرادی مہارتوں سے بھی فائدہ اٹھایا جا سکے۔“