عزت مآب شیخ ڈاکٹر محمد العیسی نے جلالت مآب سلطان نزرین معز الدین شاہ کی سرپرستی اور خصوصی موجودگی، نیز وزیراعظم جناب انور ابراہیم کی شرکت کے ساتھ منعقدہ ”مذہبی قائدین کی تیسری بین الاقوامی سربراہی کانفرنس“ کی افتتاحی تقریب میں کلیدی خطاب فرمایا

آج دوپہر ملائیشیا کے دارالحکومت ”کوالالمپور“ میں:

سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے جلالت مآب سلطان نزرین معز الدین شاہ کی سرپرستی اور خصوصی موجودگی، نیز وزیراعظم جناب انور ابراہیم کی شرکت کے ساتھ منعقدہ ”مذہبی قائدین کی تیسری بین الاقوامی سربراہی کانفرنس“ کی افتتاحی تقریب میں کلیدی خطاب فرمایا۔
عزت مآب نے اپنے خطاب میں عالمی امن اور سماجی ہم آہنگی سے متعلق اہم مسائل پر مذہبی قائدین کی تاریخی ذمہ داری پر زور دیا اور ان کے کلیدی پہلوؤں پر تفصیلی روشنی ڈالی۔ نیز، آپ نے نوجوانوں کے اس اہم کردار کی جانب بھی توجہ دلائی جو مستقبل کی تعمیر اور رہنمائی میں ان کے ذمے عائد ہوتا ہے، خصوصاً جدید ٹیکنالوجی، بالخصوص مصنوعی ذہانت، کے غیر محدود استعمال سے پیدا ہونے والے خطرات سے نمٹنے کے حوالے سے، اگر اس کے ساتھ فکری بصیرت اور اخلاقی تحفظ موجود نہ ہو۔آپ نے اس بات پر بھی زور دیا کہ بحرانوں اور کشیدگیوں کے خاتمے میں ”دینی سفارت کاری“ ایک مؤثر کردار ادا کر سکتی ہے، اور کہا کہ دنیا کو مزید ہتھیاروں کی ضرورت نہیں، بلکہ ایسی حکمت کی ضرورت ہے جو ہتھیاروں کے استعمال کو روک سکے۔