اسلام آباد کی نیشنل یونیورسٹی نے سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی ، کو فلسفۂ بین الاقوامی تعلقات میں اعزازی ڈاکٹریٹ کی ڈگری سے نوازا

آج دوپہر، پاکستان کے دارالحکومت اسلام آباد میں، اسلامی جمہوریۂ پاکستان کے صدر کی توثیق کے بعد:

اسلام آباد کی نیشنل یونیورسٹی نے سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی ، کو فلسفۂ بین الاقوامی تعلقات میں اعزازی ڈاکٹریٹ کی ڈگری سے نوازا۔ 
یہ اعزاز، جیسا کہ سندِ اعزاز کی وجوہات میں بیان کیا گیا ہے، اسلام کے بارے میں پائے جانے والے غلط تصورات کی اصلاح، مذہبی وفکری تصادم کے نظریات اور دیگر انتہا پسندانہ افکار کی تردید کے ذریعے اسلامی یکجہتی کے فروغ، نیز مذاہب، اسلامی مکاتبِ فکر، فکری رجحانات اور ثقافتوں کے درمیان مکالمے کے لیے عزت مآب کی مسلسل، مؤثر اور عالمی خدمات کے اعتراف میں دیا گیا۔

اعزازی تقریب میں وفاقی وزیرِ مملکت برائے تعلیم نے شرکت کی اور تہنیتی خطاب کیا۔  اس موقع پر  یونیورسٹی کے ریکٹر اور اعلیٰ انتظامیہ، اساتذۂ کرام، اور سفارتی حلقوں کے متعدد نمائندے بھی موجود  تھے۔
قابلِ ذکر ہے کہ نیشنل یونیورسٹی پاکستان کی ممتاز سرکاری جامعات میں شمار ہوتی ہے، صدرِ مملکت کی سرپرستی میں کام کرتی ہے، اور اس سے متعلق اہم فیصلوں کی توثیق  بھی صدرِ مملکت ہی  کرتے ہیں۔