وزیرِ اعظم نیوزی لینڈ، جناب کرسٹوفر لکسن نے نیوزی لینڈ کے دارالحکومت ”ویلنگٹن“ میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی کا استقبال کیا

کسی مذہبی شخصیت کے ساتھ اپنی نوعیت کی پہلی ملاقات میں:

وزیرِ اعظم نیوزی لینڈ، جناب کرسٹوفر لکسن نے نیوزی لینڈ کے دارالحکومت ”ویلنگٹن“ میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی کا استقبال کیا۔

ملاقات میں قومی تنوع پر مشتمل معاشروں میں مکالمے اور مثالی بقائے باہمی کی اہمیت، نیز تہذیبی تصادم کے تصورات، نفرت، تقسیم اور  تعصب کے رجحانات کا مقابلہ کرنے کے لیے اقوام اور عوام کے درمیان مفاہمت  اور تعاون کے پل استوار کرنے سے متعلق متعدد امور پر تبادلۂ خیال کیا گیا۔ اس موقع پر عزت مآب نے نیوزی لینڈ کے قومی ہم آہنگی اور سماجی یکجہتی کے نمایاں نمونے کو سراہا۔