رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے صومالیہ کے نامور علماء سے ایک جامع علمی وفکری نشست میں ملاقات کی

صومالیہ کے دارالحکومت ”مقدیشو“میں صومالیہ کے علماء کے ساتھ بھرپور علمی نشست:

رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی نے صومالیہ کے نامور علماء سے ایک جامع علمی وفکری نشست میں ملاقات کی۔

اسی سلسلے میں ”صومالیہ عالمِ اسلام کے قلب میں“ کے عنوان سے ایک خصوصی فورم بھی منعقد ہوا۔

علمائے کرام اور دیگر شریک شخصیات نے اس ملاقات اور اس میں ہونے والی طویل اور بامعنی گفتگو کو سراہا، جس میں بالخصوص اُن انتہاپسندانہ افکار کے مقابلے کے طریقوں پر توجہ مرکوز رہی جو صومالی عوام کے درست شرعی منہج کے لیے اجنبی ہیں، نیز ان کے خطرات سے آگاہی بڑھانے اور ان سے بچاؤ کے لیے مشترکہ کوششوں کی اہمیت پر زور دیا گیا۔

علماء نے سیکرٹری جنرل کے خطاب کے مضامین کو بھی سراہا، جن میں مضبوط شرعی وفکری بنیادوں پر مبنی نکات اور انتہا پسندی کے مقابلے میں علمی وفکری کوششوں کو مزید مؤثر بنانے کے لیے اہم تجاویز شامل تھیں۔

ملاقات کے اختتام پر ایک مشترکہ منصوبے پر اتفاق ہوا، جس پر عنقریب مزید کام مکمل کیا جائے گا۔ اس منصوبے میں متعدد منفرد اقدامات اور پروگرام شامل ہوں گے، جو رابطہ عالم اسلامی اور صومالی علماء کے درمیان علمی وفکری تعاون کو مزید مضبوط بنائیں گے۔