سیکرٹری جنرل رابطہ، عزت مآب شیخ ڈاکٹر محمد العیسی ، اور شاہ سلمان عالمی اکیڈمی برائے عربی زبان کے سیکرٹری جنرل، پروفیسر ڈاکٹر عبداللہ بن صالح الوشمی کی موجودگی میں رابطہ عالم اسلامی اور اکیڈمی کے درمیان ایک مفاہمتی یادداشت پر دستخط کیے گئے

عربی زبان کی خدمت، اس کے فروغ، اور اس کی اصل  لسانی شناخت کے تحفظ کے لیے:

سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی ، اور شاہ سلمان عالمی اکیڈمی برائے عربی زبان کے سیکرٹری جنرل، پروفیسر ڈاکٹر عبداللہ بن صالح الوشمی کی موجودگی میں رابطہ عالم اسلامی اور اکیڈمی کے درمیان ایک مفاہمتی یادداشت پر دستخط کیے گئے۔ یاد داشت کا  مقصد عربی زبان کی خدمت وتدریس کے شعبوں میں تعاون کو ترقی دینا، اس کے استعمال کی حوصلہ افزائی  کرنا اور اس کی سلامتی  ودرستگی کا تحفظ کرنا، نیز مشترکہ مفادات کے حصول کے لیے باہمی سرگرمیوں کا ایک جامع فریم ورک وضع کرنا ہے۔

تعاون کے دیگر شعبوں میں ڈیجیٹل حل، لسانی بلاگز اور الیکٹرانک لغات کے ذریعے عربی زبان کی کمپیوٹرائزیشن، اور #رابطہ_عالم_اسلامی کی ”منہاج“ ایپ کے ذریعے غیر عربی داں افراد کے لئے عربی زبان کی تعلیم اور لسانی مہارت کے امتحانات شامل ہیں۔ اس کے علاوہ معلومات اور تجربات کا تبادلہ، سیمینارز، کانفرنسوں اور ورکشاپس کا انعقاد  اور مشترکہ علمی وتحقیقی  مطالعات بھی اس تعاون کا حصہ ہوں گے۔