سیکرٹری جنرل رابطہ، چیئرمین مسلم علماء کونسل، عزت مآب شیخ ڈاکٹر محمد العیسی نے ”دس ملین (ایک کروڑ) زائرین“ کی تکمیل کے موقع پر منعقدہ تقریب میں شرکت کی۔ یہ تقریب رابطہ عالم اسلامی کے سیرتِ نبوی واسلامی تہذیب کے عجائب گھر اور نمائش کے حوالے سے منعقد کی گئی

علماء، وزراء، سفارت کاروں اور مفکرین کی موجودگی میں:

سیکرٹری جنرل رابطہ، چیئرمین مسلم علماء کونسل اور سیرتِ نبوی واسلامی تہذیب کے عالمی عجائب گھروں کے نگرانِ اعلیٰ، عزت مآب شیخ ڈاکٹر محمد العیسی نے مراکش کے دارالحکومت ”رباط“ میں ایسیسکو کے ہیڈ کوارٹر میں ”دس ملین (ایک کروڑ) زائرین“ کی تکمیل کے موقع پر منعقدہ تقریب میں شرکت کی۔ یہ تقریب رابطہ عالم اسلامی کے سیرتِ نبوی واسلامی تہذیب کے عجائب گھر اور نمائش کے حوالے سے منعقد کی گئی تھی، جو ایسیسکو کی میزبانی اور رابطہ المحمدیہ برائے علمائے مغرب کے اشتراک سے منعقد کی گئی تھی ۔

واضح رہے کہ اس عجائب گھر کا کا آغاز شاہ محمد ششم کی سرپرستی میں ہوا تھا اور اس کا افتتاح ولی عہد شہزادہ الحسن نے کیا تھا۔ اس میوزیم کا دورہ اب تک متعدد عالمی و مقامی اعلیٰ شخصیات، سیاح اور عام زائرین کر چکے ہیں۔