سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے اسلامی جمہوریہ پاکستان کے نامور علمائے کرام اور مشائخِ عظام کی بڑی تعداد کی موجودگی میں علمائے پاکستان کے تیسرے کنونشن کا افتتاح کیا

گزشتہ شام پاکستان کے دارالحکومت ”اسلام آباد“ میں:

سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی نے اسلامی جمہوریہ پاکستان کے نامور علمائے کرام اور مشائخِ عظام کی بڑی تعداد کی موجودگی میں علمائے پاکستان کے تیسرے کنونشن کا افتتاح کیا۔ اس موقع پر عزت مآب نے کنونشن میں پیش کی جانے والی متین علمی گفتگو اور وسیع فکری افق کو بھرپور سراہا، جو امتِ مسلمہ کے اہم مسائل پر اتفاقِ رائے، صفوں کے اتحاد، اور بالخصوص اسلامی تنوع کے دائرے میں، نیز بالعموم پوری انسانیت کے مابین مفاہمت اور تعاون کے پل استوار کرنے کے لیے علمائے پاکستان کے عزم کا مظہر ہے۔ یہ وہ کوششیں ہیں جو ہمارے عالم میں امن کے قیام اور اقوام کے درمیان ہم آہنگی کے فروغ میں اہم کردار ادا کریں گی۔