اسلامی جمہوریہ پاکستان کے وزیراعظم، جناب محمد شہباز شریف نے دارالحکومت ”اسلام آباد“ میں اپنے دفتر میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی کا استقبال کیا
آج شام:
اسلامی جمہوریہ پاکستان کے وزیراعظم، جناب محمد شہباز شریف نے دارالحکومت ”اسلام آباد“ میں اپنے دفتر میں سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی ، کے اعزاز میں، پاکستان کے دورے کے موقع پر”ورکنگ ڈنر“کا اہتمام کیا۔ اس موقع پر اسلامی اور بین الاقوامی اہمیت کے حامل متعدد امور پر تبادلۂ خیال کیا گیا۔
ڈاکٹر العیسی نے بالخصوص وزیراعظم صاحب کی قیادت میں حکومتِ پاکستان کے اس عظیم اور اہم کردار کو سراہا جو وہ امریکہ اور ایران کے درمیان جنگ کے خطرات کو کم کرنے کے لیے پرامن حل کی کوششوں کے ذریعے ادا کر رہی ہے۔ یہ کردار بین الاقوامی سفارت کاری کی اعلیٰ ترین مثال ہے۔
مزید برآں، آپ نے رابطہ عالم اسلامی کے لیے وزیر اعظم صاحب کے نیک جذبات، وفد کے شاندار استقبال اور پرتپاک میزبانی پر ان کا شکریہ ادا کیا۔ ساتھ ہی، نیشنل یونیورسٹی کی جانب سے انہیں فلسفۂ بین الاقوامی تعلقات میں اعزازی ڈاکٹریٹ کی ڈگری عطا کرنے کے فیصلے پر صدرِ مملکت کی توثیق اور وزیراعظم صاحب کی مبارکباد کو بھی دل کی گہرائیوں سے سراہا۔
