رابطہ عالم اسلامی کے سیکرٹری جنرل نے نیوزی لینڈ میں جامع مسجد الرحمٰن کا افتتاح کیا اور پہلی نمازِ جمعہ پڑھائی

رابطہ عالم اسلامی کے سیکرٹری جنرل نے نیوزی لینڈ میں جامع مسجد الرحمٰن کا افتتاح کیا اور پہلی نمازِ جمعہ پڑھائی

آکلینڈ:

رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے نیوزی لینڈ کے شہر آکلینڈ میں واقع جامع مسجد الرحمٰن کا باضابطہ افتتاح کرنے کے بعد جمعہ کا خطبہ دیا اور نمازِ جمعہ کی امامت کرائی۔

خطبے میں اسلام کی متعدد ہدایات اور تعلیمات کو بیان کیا گیا، اور اس بات پر روشنی ڈالی گئی کہ مختلف ثقافتوں اور متنوع معاشرتی اجزا پر مشتمل دنیا میں، اللہ تعالیٰ کی تکوینی سنت کے مطابق، ایک مسلمان کو پیش آنے والے مختلف حالات اور معاملات میں اسلام کس طرح رہنمائی فراہم کرتا ہے۔

جامع مسجد کی انتظامیہ نے اس بات کی تصدیق کی کہ یہ خطبہ ایک اہم رہنما دستاویز کی حیثیت رکھتا ہے، جسے نیوزی لینڈ بھر میں زیادہ سے زیادہ استفادے کے لیے شائع اور عام کیا جائے گا۔

قابلِ ذکر ہے کہ عزت مآب ایک سرکاری دعوت پر نیوزی لینڈ کے دورے پر ہیں، جہاں وہ مختلف مذاہب سے تعلق رکھنے والی حکومتی، پارلیمانی اور مذہبی شخصیات سے ملاقاتیں کریں گے۔