ایپلی کیشن کی خصوصیت یہ ہے کہ اسے ایک بین الاقوامی شرعی سرپرستی حاصل ہے، جس پر کئی برسوں تک ممتاز فقہا اور ماہرین نے کام کیا

ایپلی کیشن کی خصوصیت یہ ہے کہ اسے ایک بین الاقوامی شرعی سرپرستی حاصل ہے، جس پر کئی برسوں تک ممتاز فقہا اور ماہرین نے کام کیا، تاکہ مذہبی پروگراموں میں پائی جانے والی عمومی تضادات اور انتشار کا مؤثر خاتمہ کیا جا سکے، ساتھ ہی متعدد اہم خدمات کا اضافہ بھی کیا گیا ہے:

رابطہ عالم اسلامی نے ”منہاج“ پلیٹ فارم کا افتتاح کر دیا؛ اسلامی دنیا کی پہلی جامع ڈیجیٹل مرجعیت

 ایک ایسی تکنیکی پیش رفت جس کا امتِ مسلمہ طویل عرصے سے انتظار کر رہی تھی

ڈاکٹر العیسی:

• ”منہاج“ کے تصور کو اسلامی فقہ کونسل کی جانب سے منظوری حاصل ہوئی، جس کی صدارت اور رکنیت میں كونسل کے رکن عالم اسلام سے تعلق رکھنے والے نامور علمائے کرام اور مفتیان عظام شامل تھے۔

• یہ ایپلی کیشن اپنی نوعیت کا تاریخِ اسلام میں پہلا جامع نظام ہے، جسے رابطہ عالم اسلامی کی مختلف فقہی وعلمی کونسلوں، اکیڈمیوں اور اداروں سے وابستہ علما کی وسیع شرعی سرپرستی حاصل ہے۔

مکہ مکرمہ:

رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد بن عبدالکریم العیسی نے مکہ مکرمہ میں رابطہ کا نیا ڈیجیٹل پلیٹ فارم ”منہاج“ باضابطہ طور پر متعارف کر دیا۔ اس موقع پر اسلامی دنیا کے ممتاز علما، مختلف اداروں اور تنظیموں کے نمائندے، اور متعدد ماہرین بھی موجود تھے۔

افتتاحی تقریب کے دوران، پلیٹ فارم کی نمایاں خصوصیات اور رابطہ کے ادارہ جاتی ابلاغ کے نظام میں اس کی جانب سے لائی گئی معیاری تبدیلی کا جائزہ پیش کیا گیا، جو کہ مسلم دنیا کے اندر اور باہر مسلم معاشروں کے ساتھ اپنے روابط کو مضبوط بنانے کے لیے رابطہ کے پرعزم اسٹریٹجک منصوبوں کا حصہ ہے۔

اس عظیم الشان تقریب میں مختلف معزز شخصیات نے اپنے گراں قدر تاثرات بیان کیے، جن میں شامل تھے:مملکتِ سعودی عرب کے مفتی اعظم، صدرِ ہیئت کبار العلماء اور صدر برائے علمی تحقیقات و افتا، شیخ ڈاکٹر صالح بن فوزان الفوزان، جن کا پیغام ہیئت کبار العلماء کے سیکرٹری جنرل شیخ ڈاکٹر فہد بن سعد الماجد نے پیش کیا۔ امام و خطیب مسجد الحرام، ہیئت کبار العلماء کے رکن، شاہی دیوان کے مشیر اور بین الاقوامی اسلامی فقہی کونسل کے صدر، شیخ ڈاکٹر صالح بن عبداللہ بن حمید۔ جمہوریہ الجزائر کی اعلیٰ اسلامی کونسل کے صدر،شیخ ڈاکٹر مبروک علی محمد زیدالخیر۔ اور انڈونیشیا کی مجلس شوریٰ کے صدر، جناب احمد موزانی۔

ڈاکٹر العیسی نے اس موقع پر کہا کہ یہ ڈیجیٹل قدم رابطہ کی تکنیکی صلاحیتوں میں معیاری اضافہ ہے، جو اسلامی دنیا کے عوام تک تیز، آسان اور بااعتماد خدمات پہنچانے میں اہم کردار ادا کرے گا۔ انہوں نے واضح کیا کہ رابطہ عالم اسلامی جدید ترین ٹیکنالوجی کے ساتھ ہم آہنگ رہنے کے لیے اپنی صلاحیتوں کو مزید بڑھا رہا ہے۔

ڈاکٹر العیسی نے کہا کہ ”منہاج“ کے تصور کو اسلامی فقہ کونسل کی جانب سے اس کی قرارداد نمبر(23)، مورخہ 13 شوال 1445ھ بمطابق 22 اپریل 2024ء کے ذریعے باضابطہ منظوری حاصل ہوئی، جس کی صدارت اور رکنیت میں كونسل کے رکن عالم اسلام سے تعلق رکھے والے نامور علمائے کرام اور مفتیان عظام شامل تھے۔

انہوں نے زور دیا کہ ”منہاج“ اپنی نوعیت کی پہلی ایسی ایپلی کیشن ہے جو پوری اسلامی دنیا کے معتبر علماء اور رابطہ عالم اسلامی سے منسلک فقہی و علمی اداروں کی اجتماعی سرپرستی میں تیار ہوئی ہے، اور اسی لیے یہ اسے ”اعلیٰ ادارہ جاتی ساکھ“ عطا کرتی ہے، جو دنیا بھر میں پائے جانے والے متعدد دینی پروگراموں میں پائے جانے والے تضادات اور اختلافات کا خاتمہ کرے گی۔ساتھ ہی اس میں ”مزید اہم خدمات کا اضافہ“ بھی کیا گیا ہے؛ اس طرح یہ ایک ایسی مربوط تکنیکی پیشرفت کی شکل اختیار کر گئی ہے جو اپنی نوعیت کی ایک بے مثال بین الاقوامی شرعی سند کی حامل ہے۔

یہ بات قابلِ ذکر ہے کہ ”منہاج“ پلیٹ فارم متعدد عالمی زبانوں میں وسیع پیمانے پر انٹرایکٹو ڈیجیٹل خدمات کا ایک مجموعہ پیش کرتا ہے؛ تاکہ اس میدان میں اس خلا کو پُر کیا جا سکے جس کا طویل عرصے سے انتظار تھا۔ رابطہ نے اس بات کو یقینی بنایا ہے کہ اس عالمی ڈیجیٹل منصوبے کا آغاز اعلیٰ ترین شرعی توثیق کے معیارات کے مطابق ایک جامع تکمیل کے بعد ہی ہو۔