رابطہ عالم اسلامی کے سیکرٹری جنرل اور چیئرمین مسلم علماء کونسل، عزت مآب شیخ ڈاکٹر محمد العیسی نے بطور مہمانِ خصوصی ”خواتین کے خلاف تشدد کے خاتمے میں مذہبی قیادتوں کا کردار“ کے عنوان سے منعقدہ سیمینار کی افتتاحی تقریب میں شرکت کی

آج دوپہر، جدہ میں تنظیم کے صدر دفتر میں، اسلامی فقہ اکیڈمی کے صدر عزت مآب شیخ ڈاکٹر صالح بن حمید، سیکرٹری جنرل عزت مآب شیخ ڈاکٹر قطب سانو، اور نامور علمائے کرام اور مفتیان عظام کی موجودگی میں:

رابطہ عالم اسلامی کے سیکرٹری جنرل اور چیئرمین مسلم علماء کونسل،  عزت مآب شیخ ڈاکٹر محمد العیسی نے بطور مہمانِ خصوصی ”خواتین کے خلاف تشدد کے خاتمے میں مذہبی قیادتوں کا کردار“ کے عنوان سے منعقدہ سیمینار کی افتتاحی تقریب میں شرکت کی، جس کا اہتمام اسلامی تعاون تنظیم کے تحت قائم بین الاقوامی اسلامی فقہ اکیڈمی نے کیا تھا۔

سیمینار کا مقصد خواتین کے خلاف تشدد کے مفہوم کو شرعی بنیادوں پر واضح اور منضبط کرنا، اس کی مختلف صورتوں، اسباب اور اثرات کو بیان کرنا، بعض شرعی نصوص سے متعلق غلط تصورات کی اصلاح کرنا، اور اس کی روک تھام اور مقابلے میں مذہبی قیادتوں کے کردار کو مزید مؤثر بنانا ہے۔