Search

یورو نیوز کا انتہاپسندی کے سدّباب کے لئے ڈاکٹر العیسی کے طرز عمل کا خیر مقدم ”رابطہ عالم اسلامی کے سیکرٹری جنرل ڈاکٹر العیسی نے اپنے کام کے دوران یہ نتیجہ اخذ کیا ہے کہ مذہبی انتہاپسندی کے خلاف جنگ میں مذہبی دہارے کے لئے سب سے مؤثر ہتھیار اپنے وسائل کو متحرک اور لوگوں کو جمع کرنا ہے۔ تشدد کے خلاف ایک مضبوط اور واضح مقدمہ بنانے کے لئے اپنے تمام اخلاقی سرمایہ کو صرف کرے اور اس بات کو یقینی بنائے کہ یہ پیغامات سب سے کمزور طبقہ تک پہنچے“۔

امریکی محکمہ خارجہ کا ڈاکٹر العیسی کی بین المذاہب روابط اور رواداری کے فروغ کے لئے خدمات کا اعتراف ”رابطہ عالم اسلامی جس کا مرکزی دفتر مکہ مکرمہ میں واقع ہے اس کے سیکرٹری جنرل ڈاکٹر محمد العیسی نے ان لوگوں کے خلاف بات کی جنہوں نے اپنے پر تشدد انتہا پسند خیالات سے اسلام کی ساکھ کو نقصان پہنچایا ہے۔آپ نے بین المذاہب رواداری کے فروغ میں اپنا کردار اداکیا “۔

ناروے کمیٹی کی جانب سے ڈاکٹر العیسی کی خدمات کا اعتراف ”یہ ناروے کے دار الحکومت کی تاریخ میں پہلا موقع ہے جب اسلام، یہودیت اور عیسائیت کے اعلی سطحی نمائندے جمع ہوکر باہمی احترام اور رواداری کا مظاہرہ اور زیادہ سے زیادہ بین المذاہب تعاون کے لئے اپنے واضح خواہشات کا اظہارکررہےہیں “۔ ”ایوارڈ کمیٹی نے ڈاکٹر العیسی کو اعتدال پسندی کی ایک عالمی قوت سے تعبیر کرتے ہوئے انہیں اقوام اور مذاہب کے درمیان ایک واضح اور منفرد آواز قراردیا ہے“۔

عرب نیوز کے ابتدائی کالم میں مذاہب کے شعبے سے تعلق رکھنے والے معروف حاخام ڈاکٹر العیسی کی قیادت کا اعتراف کرتے ہوئے ”ڈاکٹر العیسی رابطہ عالم اسلامی کے سربراہ کے طورپر مختصر وقت میں نئے مملکت سعودی عرب کی علامت بن گئے جو مذاہب ،تہذیب اور مختلف اقوام کےدرمیان مفاہمت اور پرامن بقائے باہمی کے قیام کے لئے جرأت مندانہ کام کررہے ہیں“۔ ” دنیا بھر کے مسلمان تعلیمات کے حصول کے لئے اسلام کے منبع کی طرف دیکھتے ہیں، اور جب ڈاکٹر العیسی جیسی شخصیات ہولوکاسٹ کی مذمت کرتے ہیں اور یورپ یا امریکہ میں دوسرے مذاہب کے رہنماؤں کو سرعام گلے لگاتے ہیں تو وہ مستقبل کے ساتھ ساتھ موجودہ دور کے لئے بھی ایک مضبوط مثال قائم کررہے ہیں۔ اس طرح کے اقدامات مسلم ممالک میں رہنے والے اعتدال پسندوں کی بڑی اکثریت کی آواز ہے اور ان انتہا پسندوں کی حوصلہ شکنی ہے جن کے غلط اقدامات کی وجہ سے ایک اچھے عقیدے کی ساکھ کو نقصان پہنچاہے “۔ ”ڈاکٹر العیسی جیسے رہنما ایسے عالمی مہم کے مستند سفیر ہیں۔مملکت سعودی عرب اور عالمی برادری ان کے وجود سے مستفید ہوں “۔

یشیوا یونیورسٹی کی طرف سے ڈاکٹر العیسی کے دورے کا خیر مقدم ”تورات میں اسماعیل اور اسحاق کا ابراہیم کے جنازہ پر ملنے کا ذکر ہے۔آج ہمارے لئے نہ صرف اپنے ماضی کو دفن کرنے کا بلکہ ایک روشن مستقبل کی تعمیر کا بھی موقع ہے۔شیخ محمد العیسی کا ایک معروف یہودی یونیورسٹی کا دورہ نہ صرف قومی ریاستوں کے لئے بلکہ مختلف اقوام کے درمیان بھی مفاہمت کی عکاسی کرتاہے“۔ .. ” جو آپ سے بات کرے اور آپ کے مفاہمت کا پیغام سنے جب وہ مستقبل میں کسی اثر ورسوخ اور طاقتور عہدے پر فائز ہوں گے تو یقیناً باہمی مکالمہ کی حوصلہ افزائی کریں گے ۔“

امریکن جیوش کمیٹی کی جانب سے رابطہ عالم اسلامی کے ساتھ مثبت تعاون کی تصدیق ”ہم ایک اچھے مرحلے سے گزررہے ہیں۔مسلمان اور یہودیوں کے تعلقات ایک ڈرامائی اور بہت خوشگوار مرحلے سے گزر رہے ہیں ۔مسلمان اور یہودی مل کر نیک نیتی سے باہمی احترام اور تمام لوگوں کے لئے انسانی وقار کے تحفظ کےلئے کام کررہے ہیں۔امریکن جیوش کمیٹی کے اراکین اس مقصد کے حصول کے لئے مخلص ہیں اور ہمیں یقین ہے کہ ہماری شریک رابطہ عالم اسلامی بھی اس مقصد میں اسی طرح مخلص ہے ۔“

انسانی وسماجی علوم کے عالمی جریدے کی طرف سے ڈاکٹر العیسی کی کاوشوں کا اعتراف ”ڈاکٹر محمد العیسی کی قیادت کے بعد جنرل سیکرٹریٹ میں بڑی تبدیلیاں رونما ہوئیں ہیں ۔انہوں نے اس میں انتظامی امور، کام کے طریقۂ کار اور اس کی سرگرمیوں میں تبدیلیاں لائی ہیں ۔انہوں نے روایتی فریم ورک سے ہٹ کر اسے کلاسک مذہبی رجحان سے نکال کر جدت کی طرف منتقل کیا اور بیرونی ممالک خصوصاً مغربی ممالک کے ساتھ بہترتعلقات قائم کئے اور اس دوران رابطہ اقوام متحدہ کی سرگرمیوں میں معاونت کرتی رہی ہے۔انہوں نے مغربی دنیا میں اپنے پروگرام کو جدید طریقے سے متعارف کرایا اور اسلامی پیغام کو ایک جدید اور نئے تصورات کی شکل میں پیش کیا اور رابطہ کے نقطۂ نظر میں دعوت الی اللہ اور اسلام کی نشرو اشاعت کے بجائے بھائی چارہ،مفاہمت اور تعارف کے پہلو کو اجاگر کیا ہے ۔“

”ڈاکٹر محمد بن عبد الکریم العیسی دنیا کےمعروف اسکالرز میں سے ایک ہیں اور آشوٹز کا دورہ کرنے والے وہ ایک سینئر اسلامی رہنما ہیں۔انہوں نے مسلم رہنماؤں کی ایک وفد کی قیادت کی ہے جو کئی دہائیوں اور براعظموں سے جاری رویوں میں زمینی تبدیلی کی علامت ہے۔ جنوبی افریقہ میں گھر کے قریب، ڈاکٹر العیسی نے مرسی اینڈ پیس انسٹی ٹیوٹ کو شروع کرنے میں معاونت کی جو بدسلوکی کے متاثرین خصوصاً ان خواتین اور بچوں کے لئے محفوظ مقام فراہم کرتا ہے جنہیں گھریلو تشدد اور انسانی اسمگلنگ کا سامناہے۔اس جگہ عقائد اور مذہبی اقدار یک مانند ہیں اور یہ حقیقی دنیا کے مسائل کے حل میں معاون ہوں گے۔ “

”حکومتی رہنما بشمول حکومت کی سرپرستی میں رابطہ عالم اسلامی کے سربراہ بین المذاہب رواداری اور مکالمہ کی وکالت اور مذہبی انتہاپسندی کی مذمت کرتے رہے۔ “