سیکرٹری جنرل رابطہ عالم اسلامی نے آسیان علماء کونسل کے چوتھے فورم کا افتتاح کیا اور خطے کے حفاظ کے لیے عربی زبان کے پروگرام کا آغاز فرمایا

ملائیشیا کے نائب وزیراعظم، مفتی اعظم اور وزیرِ مذہبی امور کی موجودگی میں:

سیکرٹری جنرل رابطہ عالم اسلامی نے آسیان علماء کونسل کے چوتھے فورم کا افتتاح کیا اور خطے کے حفاظ کے لیے  عربی زبان کے پروگرام  کا آغاز فرمایا۔

کوالالمپور:
سیکرٹری جنرل رابطہ عالم اسلامی اور چیئرمین مسلم علماء کونسل، عزت مآب شیخ ڈاکٹر محمد بن عبد الکریم العیسی  نے ملائیشیا کے دارالحکومت "کوالالمپور" میں 'آسیان علماء کونسل' کے چوتھے فورم کا افتتاح فرمایا۔ اس تقریب میں میزبان ملک کی جانب سے ملائیشیا کے نائب وزیراعظم ڈاکٹر داتو سری احمد زاہد حمیدی، ملائیشیا کے مفتی اعظم شیخ احمد فواز بن علی فاضل اور ملائیشیا کے وزیر برائے مذہبی امور سینیٹر ڈاکٹر داتو ذو الکفل حسن نے شرکت کی۔

اس فورم میں آسیان ممالک کے تمام مفتیانِ کرام اور جید علمائے عظام نے بھرپور علمی و فکری شرکت فرمائی۔
کونسل کی رواں سال کی کامیابیوں کے تسلسل میں، آسیان خطے کے حفاظِ کرام کے لیے عربی زبان کے پروگرام  کا افتتاح کیا گیا۔ اس کے ساتھ ہی خطے کے منتخب حفاظِ کرام کے دوسرے گروپ کو اعزاز سے نوازا گیا جن کے قرآنی اجازات کی  توثیق رابطہ عالم اسلامی کی عالمی ڈیجیٹل قرآنی درسگاہ کے ذریعے براہِ راست 'سندِ نبوی شریف' کے ساتھ کی گئی ہے۔