حوالہ جات

سیکرٹری جنرل رابطہ اور چیئرمین مسلم علماء کونسل، عزت مآب شیخ ڈاکٹر محمد العیسی، مہاجرین کی امداد کے لیے معروف ترین کشتی کے دورے کے دوران، اس موقع پر بین الاقوامی ریڈ کراس، ہلال احمر، اور اطالوی ریڈ کراس کے سربراہان بھی موجود تھے:

”یہ دورہ دنیا کے سب سے المناک ساحلوں میں سے ایک، صقلیہ کے ساحل پر واقع مہاجرین کی سب سے بڑی امدادی کشتی کا معائنہ ہے۔ ہم یہاں میدانِ عمل میں، زمینی حقائق، ضروریات اور رپورٹس کی تصدیق کے لیے موجود ہیں۔“

نام نہاد سیاسی اسلام کے نظریات اسلاموفوبیا کی متعدد  وجوہات میں سرفہرست ہے، جہاں اس نے عظیم مذہب کو ایک تنگ نظر سیاسی مقصد  تک محدود کرکے اپنے لئے جھوٹا لباس بُن کر اسے اسلام کی طرف منسوب کیا۔

نام نہاد سیاسی اسلام نے مشرق اور مغرب کے درمیان تہذیبی تصادم  میں اضافہ کیا ہے اور یہ اسلاموفوبیا  رجحان کی متعدد وجوہات  کا  ذمہ دار ہے ۔

نام نہاد سیاسی  اسلام کے نظریات جامع شہریت کے حصول میں رکاوٹ ہیں ، جس کے اہداف میں  دنیا بھر میں بقائے باہمی اور قومی ہم آہنگی کا فروغ  شامل ہے ۔

خادم حرمین شریفین  کے زیر سرپرستی اور ان کے ولی عہد کے تعاون سے  تیار شدہ میثاق مکہ مکرمہ  کی بائیسویں شق میں جامع شہریت کے بارے میں ایک روشن تناظر پیش کیا گیا ہے اور ایک  مخصوص شق میں خواتین کو  مشروع طور پر مکمل بااختیار بنانے کی اہمیت پر زوردیتے ہوئے اسے جامع شہریت کا ستون قراردیاہے۔

مذہبی   تشخص اور قومی تشخص ایک دوسرے سے متصادم نہیں بلکہ  وہ ایک دوسرے کی تکمیل ہیں۔ہمارے مذہب   میں امن وہم آہنگی کا مطالبہ، عہدوپیمان  کی تکمیل ،  دلوں کو جوڑنے اور مصالح ومفاسد  کو دیکھنے کا حکم ہے۔

آج ہمیں نسل پرستی اور ا س  کی جہالت کا سامناہے، اور یہ صرف پسماندہ ممالک میں نہیں پھیل رہی ہے بلکہ  ان ممالک میں جڑ پکڑ رہی ہے  جو درجہ بندی میں پہلی دنیا میں شمار ہوتے ہیں۔  اس تہذیبی پسماندگی کے بعد بہتر مادی ترقی ممکن  نہیں ہوپائی ہے۔

آئینی، قانونی اور ثقافتی اختلافات کو سمجھ کر اور ان کی رعایت رکھتے ہوئے یہ کہنا بہت مشکل ہے کہ ہم ایک  لائن کھینچیں اور سب سے  تقاضہ کریں  کہ جامع شہریت کا بس یہی تصور ہے اور اس کے علاوہ  ہر تصور اس کے مفہوم سے خارج ہے۔

جامع شہریت ایک قومی اور عالمی تقاضہ ہے جس کے لئے اس کی تمام تفاصیل کو سمجھنے کی ضرورت ہے۔اس میں ہر ملک کے قوانین اور ثقافت میں اس کی  خود مختاری کوتسلیم کرتے  ہوئے اس کی آئینی اور قانونی اختلافات کو مدنظر رکھنا ہوگا،جب کہ بین الاقوامی قوانین اوراصول اور مشترکہ انسانی اقدار کا احترام سب کے لئے ضروری ہے ۔